OC/whyopenoffice.org
| Wiki Occitan OOo
|
|---|
|
Somari :
Categorias: |
| Site principal Occitan |
Contents
Abans prepaus
Aquesta pagina es destinada a acuelhir la traduccion/adaptacion de las paginas de whyopenoffice.org, per permetre la mesa en plaça de sa version occitana ; se causissètz de prene en carga la traduccion d'una de las paginas que demòran de traduire (vejatz çaijós), mercés de remplaçar la mencion "de traduire" que figura al costat del ligam cap a la pagina, per la mencion "traduccion en cors" per evitar las pèrdas de temps.
Introduccion
why.openoffice.org constituís la veirina mondiala d'OpenOffice.org. S'agís de l'endrech ont los utilizaires potencials pòdon venir per se convéncer d'utilizar OOo. La coordinacion n'es assegurada per OpenOffice.org Marketing Project en coordinacion amb las contribucions dels projèctes Art e Website e mai dels autres membres de la comunautat.
Nòta importanta als contributors eventuals
why.openoffice.org visa, en primièr luòc, a soslinhar los aventatges d'OpenOffice.org 2 e non pas sas foncionalitats.
Identifica tanben de segments de mercat ciblas, qu'acampant de categorias d'utilizaires en foncion dels aventatges especifics als quals pòdon èsser sensibles. Lo SMP (Strategic Marketing Plan) a establit una lista tipe de las foncionalitats e aventatges e dels mercats ciblas (en anglés). Tanben existís un bon article sul wiki intitolat (en anglés) The Case for Switching (Franquir lo pas).
Perqué una pagina Why :-)
Aquesta pagina concernís sustot las personas qu'utilizan ja un produch concurrent, lo mai probablament MS Office. I a pas res de particularament marrit dins MS Office, en tant que produch. Se qualqu'un l'a crompat, perqué ne cambiariá ? La migracion cap a OpenOffice.org 2 a doncas besonh d'un eveniment desenclavador, coma :
- crompa d'un PC novèl sul qual MS-Office es pas installat ;
- l'exemplari detengut es pas totalament legal e son detentor s'inquièta de las perseguidas eventualas que poiriá encórrer ;
- l'exemplari detengut es una version anciana d'un logicial proprietari qu'es pas pus mesa a jorn e a entendut parlar d'un logicial gratuit, actual e performant ;
- l'utilizaire ven de patir d'una infeccion per virús ;
- a entendut dire que la version novèla de MS Office ofrís una interfàcia radicalament diferenta e a pas cap d'enveja de tornar a l'escòla.
- MS Office existís pas dins la lenga de l'utilizaire
Es possible, plan segur, de completar aqueles eveniments desenclavadors, en particular amb l'ajuda de Microsoft (e de sas campanhas contra las còpias illegalas).
Un còp que l'eveniment desenclavador s'es produch, l'utilizaire consulta why.openoffice.org e nos lo cal rassegurar en li disent qu'i a pas res a pèrdre en passant a OpenOffice.org 2. Nos cal insistir particularament suls « aventatges claus ».
Estructura
La pagina d'acuèlh dispausa de tres gropes de ligams :
Aventatges claus
Cadun condutz cap a una pagina que descriu aquestes aventatges.
Mercats ciblas
- Govèrns/Administracions
- Establiments escolars
- Entrepresas
- ONG/Associacions
- Fabricants
- Adèptes dels logicials liures
amb de ligams cap als aventatges especifics per aqueles utilizaires.
Campanhas de comunicacion
Coma "fasètz un torn e agachatz la veitura" o "siatz en règla, passatz a OO.o" amb un ligam cap als espleches utils.
Proposicions
La version anglesa definitiva de whyopenoffice.org es aicí.
